今次煮左豉油王雞翼....真係好好味,第一次煮已經食到個個讚不絕口...

其次我鐘意既就係豆豉夌魚油麥菜,lee款菜以前屋企成日食,不過已經好多年冇食喇.....

薯仔炆排骨都好好味....只不過係賣相冇咁靚~

其實平時係公司已經會蒸魚,炒菜,煲下湯,有時都覺得咁樣食飯真係好warm,雖然係辛苦小小工作之餘仲要煮飯,不過見到食既人開心,我都開心,反之係屋企煮既野,大家都唔會有咩特別感覺,可能大家都覺得應該掛......唉......

將來....一定會再試整唔同既野同大家分享~

今次用朋友係台灣買既手信[梅粉]嚟做lee個jelly,味道幾好,特別夏天食感覺太美妙,聽講梅子粉既用途係點生果,如:西瓜,雪梨或是加入汽水中,但原來用嚟整jelly都十分好味,成本又低做法又易,成功率高~

做法:大菜絲半包約15g,水4杯,黃糖50g(可用砂糖)梅粉4茶匙(可隨意加減)

先將大菜用凍水浸軟,大滾水將大菜煮溶加入糖煮溶熄火後加入梅子炒,再入模雪2-3小時成功~

死心不息之馬豆糕,之前試整紅豆馬豆糕,可惜失敗左,今之再整都係成功80%因為都係較林身,因為有之前整紅豆糕既經驗冇加大菜整而令糕變得粉口,今次加大菜但始終都係唔夠實,睇嚟要再加多小小粉...哈哈,下次再努力啦~

今次整左咖啡味蒸蛋糕用左6"模嚟整,都ok呀,個樣唔差呀,做法:用左3隻蛋,低筋粉80g,糖50g,(用多20g),咖啡粉1包20g,水100ml~

一樣先將糖加蛋先攪好,再加粉&泡打粉,篩入蛋漿,攪好再加入開好既咖啡攪好再用大火蒸15-20分鐘~

今次甜度同咖啡味唔夠,要再改善下...哈哈~

做法都好簡單~用左忌廉250g,煉奶60g,瑪莉餅12片,可可粉15g....

先將瑪莉餅壓碎加入可可粉伴好,忌廉發至5成,再加入煉奶發起,最後一層一層放入模內....雪2個鐘即可~

第一次整曲奇用左個非常簡單既方法,3.2.1.就係3份麵粉,2份牛油,1份糖...最後係成功既,,,本身除左龜龜仲有海豚,同企鵝,可惜其他相影得唔靚唯有放龜龜上喛先...下次整要整厚d,咁先似曲奇,太薄似餅餅....哈哈~

都係用最簡單既方法去整既紅豆糕,用左水,糖,紅豆,粟粉去整,甜度足夠好好味,可惜稔左小小,下次試下加小小大菜試下可能會好d....冇用量度,全用感覺整都成功呀....好過上次整既砵仔糕..哈哈

本身好怕煲紅豆沙因為要煲好耐,但上次睇左開心大及發現講有方法可以快速煲紅豆沙,咪試下law,點知都係要煲成個鐘,唔知係咪已經快左呢?不過用左lee個方法煲既紅豆會變爽口....紅豆沙凍食好好味,不過年糕就熱既時候好食d,凍左會變硬...整唔到日式餐廳既口感.可惜!

焗好喇比想像中迷你,不過都好好味好脆架

做法只係用酥皮+糖卷埋再雪硬再焗.....好易整..下次有時間要整個正常版~

朱古力&朱古力香蕉蒸蛋糕,lee個係改良版,麵粉小左,發粉多左仲用左朱奶一齊整...真係鬆軟好多,比焗既蛋糕有唔太甜同冇咁肥膩既感覺....good呀~

麥精味蒸蛋糕,由於第一次整蒸完冇想像中鬆軟...不過要凍左先食到有麥精味...下次會整好味d~

做法好簡單:低筋粉100g milk150g 蛋2隻 發粉1.5湯匙 油1茶匙 再用大火蓀15分鐘....就成功喇~

由於蒸蛋糕做法易又快,我會整更多唔同既味道架.....